ព័ត៌មាន

Nick Jonas និង Priyanka Chopra ចូលរោងការនៅប្រទេសឥណ្ឌា!

អ្នកសរសេរ: Khen Sophara



Nick Jonas និង Priyanka Chopra គឺជាគូស្នេហ៍ Hollywood-Bollywood ថ្មីដែលទើបតែរៀបការ!

5 Dec - សូមស្វាគមន៍ដល់គូស្នេហ៍ Hollywood និង Bollywood ថ្មីថ្មោងដែលទើបតែរៀបការថ្មីៗនេះគឺ Nick Jonas និង Priyanka Chopra!

គូស្វាមី ភរិយាថ្មីថ្មោងនេះទើបតែរៀបការតាមប្រពៃណីលោកខាងលិចនៅឯប្រទេសឥណ្ឌាដែលជាប្រទេសកំណើតរបស់កូនក្រមុំកាលពីថ្ងៃទី1 ខែធ្នូ ដែលឪពុកខាងកូនកំលោះ លោក Paul Kevin Jonas. Sr. ក៏បានចូលរួមធ្វើជាអធិបតីក្នុងពិធីមង្គលការនេះផងដែរ តាមការរាយការណ៍របស់ People។

ប៉ុន្ដែពិធីមង្គលការនេះមិនបានបញ្ចប់ការស្ងើចត្រឹមនេះទេ ព្រោះគេក៏មានប្រារព្ធជាពិធីមង្គលបែបសាសនាហិណ្ឌូផងដែរដើម្បីជាការគោរពដល់សាវតារបស់កូនក្រមុំ។

Jonas មានអាយុ 26ឆ្នាំ និង Chopra អាយុ 36ឆ្នាំ បានចាប់ផ្ដើមទំនាក់ទំនងស្នេហារបស់ពួកគេតាមរយៈការសន្ទនាលើបណ្ដាញ Twitter កាលពីឆ្នាំ 2016 បើតាមការនិយាយរបស់លោក Jonas លើកម្មវិធី "The Tonight Show with Jimmy Fallon" ថា "វាដូចជាភ្លាមៗដែរ ហើយខ្ញុំគិតថាពីរអ្នកយើងសុទ្ធតែដឹងថានេះជារឿងត្រឹមត្រូវមួយទើបពួកយើងចាប់ផ្ដើមស្នេហាមួយនេះ"។

មុនពិធីភ្ជាប់ពាក្យកាលពីខែកក្កដា 2018 សមាជិកក្មេងជាងគេនៃក្រុម The Jonas Brothers នឹងតារាសម្ដែង ព្រមទាំងអតីតជ័យលាភី Miss World ដ៏មានទេពកោសល្យនេះទើបតែបញ្ជាក់ទំនាក់ទំនងស្នេហាពួកគេមុននេះមួយខែកាលពីខែមិថុនា ឆ្នាំ 2018 ប៉ុណ្ណោះ។

សូមអបអរសាទរដល់គូស្វាមីភរិយាថ្មីនេះហើយក៏សូមជូនពរសម្រាប់ទំព័រថ្មីនៃជីវិតនិងការងាររបស់ពួកគេ!

(Photo source: Nick Jonas' Instagram)

Cinema Online, 5 ធ្នូ 2018


ភាពយន្តទាក់ទង:
Baywatch (16 Jun 2017)
Jumanji: Welcome To The Jungle (21 Dec 2017)

Jwplayer article page COKH

អ្នកអាចចូលចិត្ត:
To read this article in English, click HERE.

ពត៌មានថ្មីបំផុត:
ម៉ោងបញ្ចាំង