ចំនុចពិសេស

ភាពយន្ដមិនគួររំលង ប្រចាំខែសីហា 2018

អ្នកសរសេរ: Casey Lee



តើភាពយន្តមួយណាខ្លះដែលអ្នកនឹងទៅទស្សនា?

សម្រាប់រដូវក្ដៅនេះយើងលែងមានភាពយន្តបែបវីរបុរសសម្រាប់ទស្សនាទៀតហើយ ដូច្នេះរដូវក្ដៅមួយនេះនឹងមិនត្រូវបញ្ចប់ជាមួយនឹងការវាយប្រហារអ្វីច្រើននោះទេ។

ប៉ុន្ដែទោះបីជាមិនមានភាពយន្ដពីហូលីវូដច្រើនក៏ដោយ ក៏យើងមានភាពយន្ដអាស៊ីយ៉ាងច្រើន ពីប្រទេសដូចជាកូរ៉េ សឹង្ហបុរី និងម៉ាឡេស៊ី ដែលនឹងមិនធ្វើឲ្យរដូវក្ដៅនេះបញ្ចប់ទៅដោយភាពធុញទ្រាន់នោះទេ។

អញ្ចឹងតោះ តើអ្នកចង់ដឹងថានៅមានភាពយន្ដអ្វីខ្លះសម្រាប់ទស្សនាក្នុងរដូវក្ដៅនេះ ខាងក្រោមនេះជាភាពយន្ដដែលអ្នកមិនគួររំលងក្នុងខែសីហានេះ។

Disney's Christopher Robin

បន្ទាប់ពី "Goodbye Christopher Robin" ភាពយន្ដដ៏គួរឲ្យស្រណោះស្រណោកកាលពីឆ្នាំមុន ដែលនិយាយអំពីការបង្កើត "Winnie The Pooh" ពេលនេះ Disney កំពុងតែព្យាបាលរបួសនេះជាមួយនឹងរឿង "Christopher Robin" ដែលនិយាយអំពីតួអង្គមួយនេះម្តងទៀត ប៉ុន្ដែពេលធំពេញវ័យវិញម្តង រួមជាមួយនឹងមិត្តភក្កិពីវ័យកុមាររបស់គេនៅ Hundred-Acre Wood។ នៅថ្ងៃមួយដែល Winnie ទៅសួរសុខទុក្ខគាត់ដល់ទីក្រុង London, គាត់ក៏បានត្រលប់ទៅកាន់ព្រៃនេះវិញទៅជួបមិត្តចាស់ៗរបស់គាត់។ ដឹកនាំដោយ Marc Forster ដែលតែងជួបរឿងបរាជ័យជាច្រើន គិតចាប់តាំងពីរឿង "Quantum of Solace" មកសម្រាប់តួអង្គសំខាន់ក្នុងភាពយន្តនេះនឹងសម្ដែងដោយ Ewan McGregor, ហើយ Hayley Atwel នឹងសម្ដែងជាភរិយាគាត់។

ថ្ងៃចាក់បញ្ចាំង: 2 សីហា

The Meg

មូលហេតុចំបងមួយដែលយើងមិនសូវទទួលបានភាពយន្ដវាយប្រហារក្នុងឆ្នាំនេះដូចឆ្នាំមុនៗ ពីព្រោះតារាសម្ដែងតួវាយប្រហាររបស់យើងគឺកំពុងតែសម្រាកដោយសារការបាក់បែងឆ្អឹង ក្រោយពីការសម្ដែងភាពយន្ដនេះ (លើកលែងតែ Tom Cruise មួយ)។ បន្ទាប់ពី Dwayne Johnson លោតហក់ពីដំបូលអគារមួយទៅកាន់ដំបូលអគារមួយទៀត ពេលនេះតារាសម្ដែងមួយទៀតគឺលោក Jason Statham ហើយដែលកំពុងតែប្ដូរពីតួអង្គបែបកាប់មិនមុត ដុតមិនឆេះ មកជាតួអង្គជួយសង្រ្គោះភ្នាក់ងារម្នាក់ពីត្រីឆ្លាម megalodon ទំហំ 75-foot ក្នុងរឿង "The Meg", ដែលដឹកនាំដោយ Jon Turteltaub អ្នកដឹកនាំរឿង"National Treasure"។

ថ្ងៃចាក់បញ្ចាំង: 10 សីហា

Along with the Gods: The Last 49 Days

ភាពយន្ដឋានក្រោមដីរបស់ Kim Yong-hwa កាលពីឆ្នាំ 2017 ពេលនេះមកដល់ទីបញ្ចប់ហើយ។ ទេវតាបីរូបនេះ ពេលនេះត្រូវបន្ដការការពារភ្ញៀវរបស់ពួកគេក្នុងអំឡុងពេល 49 ថ្ងៃចុងក្រោយនៃជីវិតរបស់ភ្ញៀវម្នាក់នោះ មុននឹងការកាត់ក្ដី ជាលើកចុងក្រោយសម្រាប់ជិវិតរបស់គេ ឈានចូលមកដល់។ បន្ទាប់ពីអតីតកាលដ៏ខ្មៅកខ្វក់របស់គេត្រូវបានលាតត្រដាងនៅមុខព្រះជាច្រើនរូប រឿងវគ្គបញ្ចប់នេះនឹងនិយាយអំពីអតីតកាលរបស់យមទូតទាំងបីរូបនេះ ព្រមទាំងអាថ៌កំបាំងនៃទំនាក់ទំនងរបស់ពួកគេ នៅពេលដែលបានជួបព្រះប្រចាំផ្ទះ ដែលសម្ដែងដោយ Ma Dong-Seok ។

ថ្ងៃចាក់បញ្ចាំង: 23 សីហា

The First Purge

រាប់គិតតាំងពី "The Purge" ចេញពីឆ្នាំ 2013 សាច់រឿងនិងបញ្ហាដែលបង្ហាញក្នុងភាពយន្ដនេះហាក់ដូចជាកាន់តែពិតទៅៗហើយ ពីមួយឆ្នាំទៅមួយឆ្នាំ។ ក្នុងភាពយន្ដទីបួននេះ គេនឹងនិយាយអំពីដើមកំណើតដែលបានបង្កើតជា The Purge។ ភាពយន្ដនេះគឺជាភាពយន្ដដំបូងក្នុងសេរ៊ីរឿងនេះ ដែលមិនត្រូវបានដឹកនាំដោយលោក James DeMonaco ហើយសម្រាប់លើកនេះ purge គឺនឹងធ្វើឡើងនៅលើកោះ មិនមែនពាសពេញប្រទេសដូចលើកមុនៗទេ ហើយនៅក្នុង "The First Purge" យើងនឹងឃើញតួអង្គថ្មីមួយក្រុមដែលត្រូវគេបង្ខំឲ្យចូលរួម purge។

ថ្ងៃចាក់បញ្ចាំង: 24 សីហា

Crazy Rich Asians

ភាពយន្ដមួយនេះគឹជាមោទនភាពដ៏ធំមួយសម្រាប់តួអង្គអាស៊ីនៅក្នុងវិស័យហូលីវូដ។ ដកស្រង់ចេញពីសៀវភៅប្រលោមលោក ដោយ Kevin Kwan, នាង Constance Wu សម្ដែងជាតួអង្គសាស្រ្ដាចារ្យជនជាតិចិន អាមេរិកមួយរូប ដែលតាមមិត្តប្រុសរបស់នាងដែលជាជនជាតិចិន-សឹង្ហបុរី ដើម្បីទៅចូលរួមពិធីមង្គលការមិត្តល្អរបស់គេ ប៉ុន្ដែពេលទៅដល់ នាងក៏ត្រូវបានជាប់ពាក់ព័ន្ធក្នុងជម្លោះរវាងអភិជននៅក្នុងប្រទេសសឹង្ហបុរីនេះទៅវិញ។ ខណៈពេលដែលលោក Jon M. Chu ត្រូវការបញ្ជាក់ដើមកំណើតជាកូនចៅចិន-អាមេរិក ជំនាន់ទីមួយរបស់គាត់ដើម្បីទទួលបានភាពយន្តមួយនេះ ក៏រឿងនេះនៅតែមិនអាចចៀសផុតពីបញ្ហានោះដែរ ក៏ព្រោះតែដើម្បីធ្វើឲ្យរឿងនេះឆ្លុះបញ្ចាំងពីជីវិតបែបអាស៊ីពិតៗ។ ប៉ុន្ដែទោះជាយ៉ាងណាក៏ដោយ "Crazy Rich Asians" ក៏នៅតែជាភាពយន្ដបែបអាស៊ីមួយ ដែលមានតារាអាស៊ីភាគច្រើនចូលរួមស្តែង និងមានទាំងតារាសម្ដែងជនជាតិម៉ាឡេស៊ីផងដែរគឺ លោក Henry Golding ដែលចាប់អាជីពដំបូងរបស់គេនៅហូលីវូដ ហើយ Michelle Yeoh សម្ដែងជាតួម្ដាយចិត្តសាហាវ ម្យ៉ាងវិញទៀតរឿងនេះត្រូវបានថតនៅទីតាំងមួយចំនួនក្នុងប្រទេសសឹង្ហបុរី និងម៉ាឡេស៊ីផងដែរ។

ថ្ងៃចាក់បញ្ចាំង: 31 សីហា

Cinema Online, 1 សីហា 2018


ភាពយន្តទាក់ទង:
Along With The Gods 2: The Last 49 Days (Korean) (23 Aug 2018) [សង្ខេបរឿងជាភាសាខ្មែរ] [ឃ្លីបអំពីភាពយន្ត]
Disney's Christopher Robin (02 Aug 2018) [Showtimes] [សង្ខេបរឿងជាភាសាខ្មែរ] [ឃ្លីបអំពីភាពយន្ត]
The First Purge (24 Aug 2018) [ឃ្លីបអំពីភាពយន្ត]
The Meg (10 Aug 2018) [Showtimes] [សង្ខេបរឿងជាភាសាខ្មែរ] [ឃ្លីបអំពីភាពយន្ត]
Crazy Rich Asians (31 Aug 2018) [សង្ខេបរឿងជាភាសាខ្មែរ] [ឃ្លីបអំពីភាពយន្ត]

Jwplayer article page COKH

អ្នកអាចចូលចិត្ត:
To read this article in English, click HERE.

តំណរទាក់ទង:

ពត៌មានថ្មីបំផុត:
ម៉ោងបញ្ចាំង